三胎謠言不攻自破？張柏芝首度現身，與美食友人相聚，疑雲紛紛！

神隱半年的張柏芝上月25日被傳在養和祕密生仔，有指BB的爸爸系年約60歲新加坡富豪，張柏芝一直未有迴應，令生仔傳聞更加似層層；昨日栢芝終於在社交網曝光，相中的她戴咗黑超，面頰明顯比以前飽滿咗，著紅色衫包到上頸，唔知系咪怕吹風呢，栢芝仲舉V影相，心情靚靚。

飲食作家Bonnie在社交網晒張柏芝合照，另一張相系同張柏芝細仔Quintus合照，Bonnie留言：“今日小朋友遊樂日又撞到好姊妹Ceci，Quintus愈來愈高大靚仔呀！”

原來Bonnie同張柏芝識咗10年，因為大家都有小朋友，近4、5年經常約埋一齊湊仔，問到有冇見過栢芝男友？Bonnie話：“以我所識的她，一直好專注小朋友同屋企，她努力賺錢都為小朋友，從來沒聽過她拍拖。”

問到多久沒見栢芝？Bonnie坦言：“有一段時間沒見，差不多半年。”對於有傳張柏芝這半年匿埋生仔，Bonnie依然話唔覺得系。